गजल
पिरतीको चिहानमा एउटा फूल सार्छु मैले,
यदि माया मार्यौ भने साच्चै नुन बार्छु मैले ।
कहिल्यै धोका दिने छैन यदि विश्वाश गर्छौ भने,
आफु बगी गए पनि तिमीलाई खोला तार्छु मैले ।
यदि माया मार्यौ भने साच्चै नुन बार्छु मैले ।
जुवा रैछ जिन्दगी यो मात्र मलाई एक चोटि,
तिम्ले मौका दिन्छौ भने सधैं चौका पार्छु मैले ।
यदि माया मार्यौ भने साच्चै नुन बार्छु मैले ।
हिजो सम्म जितेकै हो जिन्दगीको खेलहरु,
आज घात् गर्यौ भने एउटा बाजी हार्छु मैले ।
यदि माया मार्यौ भने साच्चै नुन बार्छु मैले ।
तर आज छोड्यौ भने यती कठोर् बन्छु कि म,
न त रुन्छु कराउछु न त आसुँ झार्छु मैले ।
यदि माया मार्यौ भने साच्चै नुन बार्छु मैले ।
भाउ बढ्ने भयो......
पोहोर साल ब्यापारीले सामान लुकाए
पछी ह्वात्तै भाउ बढ्यो ।
यसपाली इन्धन पनि लुकाए
त्यस्को पनि भाउ बढ्यो ।
शहरमा हाहाकार मच्चियो,
खबर पत्र पत्रीकामा छापियो
देसै भरी हल्ला चल्यो ।
तिनै ब्यापारीको सिको गरेर
दुई चार दिन भयो,मेरी प्रेमिकाले पनि
माया लुकाएकी छिन् ।
देखभेट ,बोलचाल केही छैन अचेल ।
मायाको झ्याल,ढोका,बजार,पसल,घुम्तीहरु
सबै बन्द गरेकी छिन् ।
रामराम...कही कतै केही खोलेकी छैनन ।
हुन त म,
मायामा अल्ली लोभी मान्छे हो,
कतै उन्लाई घाटा लाग्यो कि ? मर्का पर्यो कि ?
शायद लेन देनको
हिसाब किताब नै नमिलेर होला,
कतै पेट्रोलमा मट्टीतेल मिसाए झै
मिसवाट् गर्न पो हो कि ? खै किन हो ?
आजभोली सबै करोबार ठप्प गरेकी छिन् ।
यो बर्ष पनि देश बनेन,
लामै खडेरी पर्यो ।
खेतीपाती केही छैन,बेच्ने कुरो केही भएन ।
घरखर्च धान्न पनि मुस्किल छ ।
दैबले कस्तो छल गर्यो मलाई ????
यसै बर्ष मायाको पनि भाउ बढ्ने भयो ।
महंगीले आकाश छुने भयो ।
No comments:
Post a Comment